ကျွန်ုပ်တို့၏ ကတိ
ကျွန်ုပ်တို့သည် ပြည်သူများအတွက် အခမဲ့ ကူညီပေးခြင်း ဖြစ်ပါသည်။ လူပျောက်တင်ခြင်း၊ ရှာဖွေခြင်း၊ သတင်းပေးခြင်းတို့ကို မည်သူ့ထံမှမျှ ငွေမကောက်ခံပါ။
မိဘပြည်သူအားလုံး စိတ်ချမ်းသာ ပျော်ရွှင်ကြပါစေ။ ပျောက်ဆုံးနေသူအားလုံး အမြန်ဆုံး ကျန်းကျန်းမာမာနှင့် ပြန်လည်တွေ့ရှိကြပါစေ။
ဤ project မည်သို့ စတင်ခဲ့သနည်း
ဤ project သည် စာတမ်း (paper) တစ်ခုအတွက် လုပ်ဆောင်ရင်းမှ စတင်ခဲ့ပါသည်။ စာတမ်းအဖြစ် ရပ်တန့်မထားဘဲ၊ လူတွေ တကယ်အသုံးပြုနိုင်သော website အဖြစ် အကောင်အထည်ဖော်ခဲ့ခြင်း ဖြစ်ပါသည်။
ပြည်သူများအတွက် အမှန်တကယ် အကျိုးရှိစေရန် အခမဲ့ ဖွင့်လှစ်ထားပြီး၊ အသုံးပြုသူများ၏ လိုအပ်ချက်များနှင့်အညီ ဆက်လက် တိုးတက်အောင် လုပ်ဆောင်နေပါသည်။
အလုပ်လုပ်ပုံ
- 1
တင်သွင်းပါ
မိသားစု (သို့) အသိုင်းအဝိုင်းက အချက်အလက်နှင့် ဓာတ်ပုံ တင်ပါသည်။
- 2
စိစစ်ပါသည်
admin က စစ်ဆေးအတည်ပြုပြီးမှ အများပြည်သူ မြင်ရအောင် ပြသပါသည်။
- 3
မျှဝေပြီး သတင်းပေးပါ
လူတိုင်း မျှဝေနိုင်ပြီး တွေ့ဖူးသူများ သတင်းပေးနိုင်ပါသည်။
- 4
ပြန်လည်တွေ့ရှိ
တွေ့ရှိပါက အခြေအနေကို ပြောင်းလဲမှတ်သားပြီး မိသားစုကို အသိပေးပါသည်။
Website ၏ အင်္ဂါရပ်များ
ဤ website တွင် အောက်ပါ လုပ်ဆောင်ချက်များ ပါဝင်ပါသည်။
တင်သွင်းခြင်းနှင့် စိစစ်ခြင်း
လူပျောက်တင်ရန်
အမည်၊ အသက်၊ အရပ်၊ ဝတ်စုံ၊ အထူးအမှတ်အသားနှင့် ဓာတ်ပုံ (၅ ပုံအထိ) ကို အခမဲ့ တင်နိုင်ပါသည်။ တင်သွင်းမှုတိုင်း case နံပါတ် ရရှိပါသည်။
admin စိစစ်ပြီးမှ ပြသခြင်း
တင်သွင်းမှုတိုင်းကို admin က စိစစ်အတည်ပြုပြီးမှ အများသိမြင်နိုင်အောင် ပြသပါသည်။ မှားယွင်းသော သတင်းနှင့် အလွဲသုံးစားမှုကို လျှော့ချရန် ဖြစ်ပါသည်။
မသင့်လျော်သော စာရင်းကို အသိပေးခြင်း
စာရင်းတစ်ခု မှားယွင်းနေသည်ဟု ထင်ပါက ဖတ်ရှုသူတိုင်း report လုပ်နိုင်ပါသည်။ spam ကာကွယ်မှုရှိပြီး admin လုပ်ဆောင်ချက်အားလုံးကို မှတ်တမ်းတင်ထားပါသည်။
ရှာဖွေခြင်းနှင့် သတင်းပေးခြင်း
ရှာဖွေခြင်း
အမည်၊ တိုင်း/ပြည်နယ်၊ မြို့နယ်၊ ကျား/မ၊ အသက်၊ ပျောက်ဆုံးသည့်ရက်နှင့် အခြေအနေအလိုက် စစ်ထုတ်ရှာဖွေနိုင်ပါသည်။
သတင်းပေးခြင်း
တွေ့ဖူးသူတိုင်း အသိပေးနိုင်ပါသည်။ admin စစ်ဆေးအတည်ပြုပြီးသော သတင်းကို ရက်စွဲအဖြစ်သာ ပြပြီး သတင်းပေးသူ၏ အချက်အလက်ကို အများမြင်အောင် မပြပါ။
တွေ့ရှိသူ အသိပေးရန်
ပျောက်ဆုံးနေသူ ဖြစ်နိုင်သူကို တွေ့ရှိပါက ဓာတ်ပုံနှင့် နေရာကို အသိပေးနိုင်ပါသည်။
အချိန်ဇယားနှင့် ရက်ရေတွက်ချက်
case တစ်ခုချင်းစီတွင် အချိန်ဇယားနှင့် ပျောက်ဆုံးနေသည်မှာ ဘယ်နှစ်ရက်ရှိပြီဆိုသည်ကို ပြပါသည်။
ပျောက်ဆုံးနေသော ကလေးငယ်များ
ကလေးများအတွက် သီးသန့်စာမျက်နှာ ရှိပြီး၊ ကလေးတစ်ဦး ပျောက်ဆုံးနေစဉ် ပင်မစာမျက်နှာတွင် သတိပေးဘားတန်း ပေါ်ပါသည်။
ပျောက်ဆုံးနေသော အိမ်မွေးတိရစ္ဆာန်
ခွေး၊ ကြောင်နှင့် အခြားတိရစ္ဆာန်များအတွက်လည်း သီးသန့်ကဏ္ဍ ရှိပါသည်။
မျှဝေခြင်းနှင့် အသိပေးခြင်း
လူမှုကွန်ရက်တွင် မျှဝေခြင်း
Facebook၊ Telegram၊ Viber၊ WhatsApp သို့ တစ်ချက်နှိပ်ရုံ မျှဝေနိုင်ပါသည်။ link ပြသချက်တွင် ဓာတ်ပုံနှင့် နာမည်သာ ပါပြီး ဖုန်းနံပါတ် မပါပါ။
QR ပါသော ပိုစတာ
ပရင့်ထုတ်ကပ်နိုင်သော A4 ပိုစတာကို QR ကုဒ်နှင့်အတူ ထုတ်ပေးပါသည်။ QR ကို ဖုန်းဖြင့် စကင်ဖတ်လျှင် ထို case စာမျက်နှာသို့ ရောက်ပါသည်။
SMS ဖြင့် မိသားစုကို အသိပေးခြင်း
tip အသစ်ရသည့်အခါနှင့် ဘေးကင်းစွာ တွေ့ရှိကြောင်း မှတ်သားသည့်အခါ ဆက်သွယ်ရန်ဖုန်းသို့ SMS ပို့ပါသည်။ case နံပါတ်သာ ပါပြီး link မပါပါ။
ကြေညာချက်ဘား
အရေးကြီးသော သတိပေးချက်များကို စာမျက်နှာတိုင်း၏ အပေါ်ဆုံးတွင် လျှောပြသပါသည်။
ပညာပေးနှင့် လုံခြုံရေး
မိဘများအတွက် ပညာပေး
ကလေးမပျောက်စေရန်၊ ပျောက်သွားလျှင် ပထမ ၁ နာရီအတွင်း လုပ်ရမည့်အရာ၊ GPS ကိရိယာနှင့် ကလေးအချက်အလက်ကတ် စသည့် လမ်းညွှန်ချက်များ ပါပါသည်။
လိမ်လည်မှု သတိပေးချက်
ပျောက်ဆုံးသူ၏ မိသားစုများကို ပစ်မှတ်ထားသော လိမ်လည်မှုများနှင့် ကာကွယ်နည်းကို ရှင်းပြထားပါသည်။
စာရင်းအင်း
တိုင်းဒေသကြီး၊ ပြည်နယ်အလိုက် ပျောက်ဆုံးနေသူနှင့် တွေ့ရှိပြီးသူ စာရင်းအင်းများ ကြည့်နိုင်ပါသည်။
မြန်မာ / English
စာမျက်နှာတိုင်းတွင် မြန်မာနှင့် အင်္ဂလိပ် ဘာသာ ပြောင်းကြည့်နိုင်ပါသည်။ ရက်စွဲနှင့် အချိန်ကို မြန်မာစံတော်ချိန်အတိုင်း ပြသပါသည်။
ဖုန်းတွင် app ကဲ့သို့ သုံးနိုင်ခြင်း
ဖုန်း၏ home screen သို့ ထည့်သုံးနိုင်ပြီး အင်တာနက်မရှိချိန်တွင်လည်း ပထမ ၁ နာရီ လမ်းညွှန်ချက်ကို ဖတ်နိုင်ပါသည်။
ကိုယ်ရေးအချက်အလက်ကို ဂရုတစိုက် ကိုင်တွယ်ပါသည်။ ဓာတ်ပုံနှင့် အချက်အလက်များကို မည်သို့ သုံးစွဲ၊ ပြသကြောင်းကို ကိုယ်ရေးအချက်အလက် မူဝါဒတွင် ဖတ်ရှုနိုင်ပါသည်။ ကိုယ်ရေးအချက်အလက် မူဝါဒ →
အတူတကွ ကူညီကြပါစို့
ပျောက်ဆုံးနေသူ တစ်ဦးကို သိပါက တင်သွင်းပါ၊ တွေ့ဖူးပါက အသိပေးပါ၊ ဤ website ကို မျှဝေပေးပါ။